Khloé Kardashian është bërë nënë për herë të parë, pasi ka lindur vogëlushen e saj me partnerin Tristan Thompson, raporton TMZ.
Familja Kardashian nuk e ka konfirmuar ende lajmin në mediat sociale, megjithëse mediat raportojnë se motra Kim Kardashian dhe nëna Kris Jenner ishin me të në spital.
Khloe raportohet të ketë lindur më herët seç ishte parashikuar dhe kjo për faj të skandalit me videot e seksit që u publikuan në media.
Sot paradite u raportua se ylli i reality show-t kishte përjetuar kontraksione të hershme, të cilat filluan pasi ajo pa videon ku i dashuri Tristan Thompson po e tradhtonte me një grua tjetër.
Megjithatë edhe pse Khloe është shkatërruar nga lajmet e fundit, një burim për TMZ tha se ajo e kupton rëndësinë e lindjes dhe nuk dëshiron që ndjenjat e saj personale të shkatërrojnë një nga momentet më të rëndësishme në jetën e një personi: lindjen e një fëmije.
Tristan madje raportohet të ketë qenë i pranishëm në lindjen e vajzës, që ka qenë natyrale. Çifti ka një vit që janë bashkë, por pas lajmeve të fundit, marrëdhënia e tyre është në prag të greminës.
