Khloe Kardashian është përballur me një reagim të ashpër nga fansat e saj, pasi ajo ka shprehur publikisht dëshirën për të organizuar një festë për Krishtlindje pavarësisht pandemisë. Fansat kanë mbetur të shokuar se si familja KarJenner nuk anulon asnjë plan, duke pasur parasysh faktin që ato organizojnë gjithmonë festa të mëdha e luksoze.
Kur u pyet nga një ndjekës nëse festa e Krishtlindjes do të anulohej këtë vit, Khloe u përgjigj: “Lutem që jo! Mendoj se do të jetë shumë më e vogël. Dhe unë jam shumë në rregull me këtë gjë! Por ne do e festojmë me patjetër Krishtlindjen! Thjesht duhet të jetë e vogël dhe e sigurt. Ndoshta do të bëjmë teste të shpejta Covid-i para festës. Duhet të mendojmë çfarë është më e sigurt”.
Por kjo përgjigje e saj solli një reagim akoma më të ashpër, pasi fansave të saj nuk u ka pëlqyer që testet e Covid të përdoren për këtë qëllim kur miliona amerikanë po dorëzohen para virusit.
“Të dua Klo, por a është ky përdorimi më i mirë për testet që ne kemi? Kështu ju mund të festoni. Vazhdoni me familjen tuaj. Të gjithë po bëjmë sakrifica këtë vit”, ju kthye në një ndjekëse.
Gjatë këtyre kohëve familja Kardashian-Jenner është përballur me kritika të shumta, për shkak të festës që Kim organizoi me 30 persona të afërt për 40-vjetorin.
