Këto kohë kanë qenë disi të vështira për Jennifer Lopez për shkak të ndarjes me Alex Rodriguez. Megjithatë ajo ka pasur mbështetjen e familjarëve të saj dhe jo vetëm.
Një burim ka treguar për “People” se Lopez ka qenë në humor të mirë falë mbështetjes që ka marrë dhe se po vazhdon xhirimet e filmit “Shotgun Wedding” në Republikën Domenikane.
Madje thuhet se pas ndarjes nga Rodriguez, ajo ka gjetur mbështetje tek ish-partneri, Ben Affleck.
Megjithëse s’kanë mundur t’i fotografojnë dot bashkë, ata janë parë shpesh në shoqërinë e njëri-tjetrit, sipas “Page Six”.
“Rojet e sigurimit e marrin Affleck dhe e përcjellin sërish kur del nga shtëpia e saj, pasi ka qëndruar disa orë atje.”- kanë treguar burimet, që gjithashtu shtojnë se aktori është parë të paktën tre herë në shtëpinë e saj, që nga koha e ndarjes.
Rikujtojmë se Jennifer Lopez dhe Ben Affleck i dhanë fund fejesës së tyre që në vitin 2004, por vazhduan të mbeten miq të mirë.
Megjithatë, fansave po i lindin dyshimet se mes tyre tashmë mund të ketë diçka më shumë sesa thjesht shoqëri, pasi Affleck është shpatulla e ngrohtë ku J.Lo po mbështetet pas ndarjes me Alex Rodriguez.
Dyshja ende s’ka reaguar lidhur me këto lajme.
