Dyshja e deklaruar e “Për’puthen”, Alvisa dhe Bashkimi, kanë mbajtur takimin e tyre të radhës në qytetin e Vlorës.
Për Alvisën, ky takim ishte i veçantë pasi e kishte çuar Bashkimin në qytetin e saj. Megjithëse takimi shkoi mirë dhe gjithçka i pëlqeu shumë, diçka ia kishte prishur qejfin Bashkimit.
Konkurrenti u shpreh se kishte marrë komente dhe kritika jo-pozitive nga vlonjatët.
“Meshkujt vlonjatë janë një çik si të egër dhe mbahen si të fortë. I kanë thënë jo fjalë të mira. E shikonin edhe shtrembër.”- tregoi Alvisa teksa Bashkimi tha se më shumë lidhej me energjinë e keqe që i kishin transmetuar.
Këtu ndërhyri moderatorja Bora Zemani, e cila vetë ishte e lidhur me një vlonjat, Donald Veshajn.
“Do mësohesh, do mësohesh se nuk e kanë me të keq!”- tha moderatorja teksa studio shpërtheu në të qeshura.
Deri tani, ajo e Borës me Donaldin duket histori e mbyllur, megjithëse takimi i tyre disa javë më parë u duk si shpresë për ribashkim.
Donaldi nisi një romancë brenda shtëpisë së “Big Brother VIP” me këngëtaren Beatrix Ramosaj, ndërsa pati edhe një situatë të sikletshme gjatë emisionit kur mësoi se Bora kishte qenë duke e pritur jashtë, ndërkohë që ai deklarohej single në shtëpi.
