Ankthi dhe stresi janë çrregullimet më të zakonshme në botë vitet e fundit. Për shkak të vrullit të jetës, të gjithë nxitojnë të bëjnë disa gjëra në të njëjtën kohë dhe shpesh kjo shoqërohet me probleme të tilla shqetësuese. Ka disa sinjale që trupi ju dërgon sa herë që ndodheni në një situatë të vështirë e që dëshmojnë se ju vuani nga ankthi.
Dhimbje muskujsh
Sa herë që jemi në panik ne shtrëngojmë trupin dhe kjo shkakton dhimbje të muskujve. Pavarësisht se nuk e kuptojmë, kjo ka të bëjë me gjendjen tonë mendore.
Këmbët e ftohta
Sipas disa studimeve njerëzit që janë në ankth kanë tendencë të kenë këmbë të ftohta. Kur trupi aktivizon reagimin e tij ndaj stresit, ai shpesh ngadalëson rrjedhën e gjakut në këmbë dhe krahë, gjë që mund të ju bëjë të ndjeheni të ftohtë, madje të mpirë ose të lodhur.
Zhurma në vesh
Një studim ka zbuluar se njerëzit që kanë zhurma të vazhdueshme në vesh kanë më shumë të ngjarë të përjetojnë ankth. Mund t’ju duket sikur veshët tuaj janë të bllokuar, apo të dëgjoni një zhurmë të çuditshme dhe e gjithë kjo vjen për shkak të ankthit.
