Çizmet deri në kyçin e këmbëve janë një domosdoshmëri gjatë ditëve të ftohta të dimrit! Janë tejet praktike, mund t’i kombinojmë fare lehtë dhe më e rëndësishmja na mbrojnë më së miri nga shiu. Ndaj ç’prisni, hidhini një sy artikullit më poshtë për të mësuar kombinimin perfekt.
Çizmet me printe gjarpëri
Ok, e pranojmë që duan pak guxim fillimisht, por pasi t’i vishni për herë të parë do e keni shumë të vështirë t’i hiqni nga këmba. Janë perfekte për t’u veshur me një fustan të bardhë, apo fund dhe bluze si kjo në foto në të njëjtën ngjyrë! A nuk duket si veshja perfekte për ditën që bora do të zbardhë vendin?!
Çizmet e zeza klasike
Besojmë se nuk keni aspak nevojë për këshilla sesi të kombinoni çizmet e zeza! Përse? Sepse shkojnë me gjithçka! Gjithsesi, po ju rrëfejmë se edhe fustanin e verës që keni në dollap mund ta vishni, nëse e kombinoni siç në foton e mësipërme.
Çizmet e kuqe
Nuk keni stilist? S’ka problem. Hidhini një sy Priyanka Chopra-s për më shumë frymëzim sesi të vishni çizmet e kuqe fringo ëtë reja. Ngjyra e kuqe kombinohet fare lehtë me bluzet në ngjyrë neutral, apo ato të zeza.
Çizmet neutrale në ngjyrë kafe
Pas të zezës, çizmet në ngjyrë kafe janë ato më të lehtat për t’i kombinuar. Këtë vit guxoni pak më shumë sesa thjesht t’i veshësh me çizmet e ngushta dhe pallton me rrip në mes. Si thoni për një xhaketë në ngjyrë rozë?!
Çizmet me lule
Çizmet me lule mbartin një sekret shumë të lezetshëm: duhen kombinuar me një bluze që mban një nga ngjyrat e tyre. Në këtë mënyrë, pamja juaj do të duket e plotë nga koka tek këmbët.
