Një nga gjërat për të cilat duhet të kujdeseni më shumë kur të kaloni 30 vitet e para të jetës është pikërisht lëkura juaj, kryesisht fytyra.
Nëse deri më parë nuk e keni pasur të nevojshme, tani e tutje duhet të kujdeseni sepse lëkura juaj fillon të ndryshojë në pamjen e jashtme.
Kolagjeni, elasticiteti dhe nivelet e acidit hialuronik (që mbajnë lëkurën tuaj të shëndoshë dhe të fortë) do të fillojnë të bien në masë, ndërsa hormonet tuaja luhaten dhe dëmet e diellit fillojnë të shfaqen.
Nuk është aspak e këndshme dhe lajm i mirë, por fatmirësisht ka masa parandaluese që mund të merrni. Duke përfshirë në rutinën tuaj këto 5 produkte të reja lëkura juaj do të vazhdojë të jetë e freskët si një bebe.
1.Një serum retinoid
Kjo është koha e duhur për të filluar përdorimin e një retinoidi gjatë ditës, që ndihmon në nxitjen e prodhimit të kolagjenit dhe gjithashtu ka një ton përfitime të tjera, si luftimi i akneve dhe pigmentimi i lëkurës.
Duke e përdorur ju mund ta mbani të fortë bazën e lëkurës tuaj, e cila do të ndihmojë në luftimin e plakjes së fytyrës.
2.Një pastrues i butë, jo-sapun
Kur të jeni 30 vjeç, barrierat ndaj lëkurës fillojnë të hollohen, duke ju bërë më të prirur ndaj acarimit dhe lëkurës së thatë. Prandaj rekomandohet që t’i përmbaheni bazës dhe të gjeni një pastrues të butë, jo irritues.
3.Një krem që parandalon thatësinë e lëkurës me SPF
Në mëngjes, është e rëndësishme që të mbroni lëkurën tuaj nga ekspozimet mjedisore si drita UV. Mënyra më e lehtë për ta bërë këtë është duke përfshirë një hidratues me mbrojtje nga dielli në rutinën tuaj të përditshme. Edhe pse mbase nuk punoni në diell, edhe nivele të vogla të dritës UV gjatë gjithë jetës mund të çojnë në formimin e rrudhave të hershme. Prandaj rekomandohet krem me SPF 30.
4.Një hidratues ose serum me vitaminë C
Nëse jeni duke kërkuar një antioksidant për lëkurën tuaj që po ndryshon, përqendrohuni në vitaminën C.
Ajondihmon në rindërtimin e strukturës suaj të lëkurës duke stimuluar prodhimin e kolagjenit, një proteinë që përbën indin tuaj lidhës dhe i jep lëkurës strukturën e saj.
5.Një hidratues trupi
Pas 30 vitesh, lëkura juaj nuk mund të mbajë hidratim aq efikas sa më parë, kjo do të thotë që lëkura në të gjithë trupin tuaj rrezikon plakjen.
Filloni me aplikimin e një hidratuesi të lehtë në mënyrë të rregullt për të ndihmuar në mbajtjen e një baze të shëndetshme të lëkurës. Kremrat që janë të lehta për t’u përhapur dhe që nuk ju lënë ndjenjë të rëndë ose të yndyrshme, janë një mundësi e shkëlqyer.
