Eurovizioni i këtij viti mbahet në Kiev të Ukrainës. Pas dy gjysmëfinaleve, ku u përzgjodhën me votim shtetet që u kualifikuan në finale, ditën e shtunë pritet që të mbahet finalja e madhe, nga e cila do të dalë dhe fituesi i këtij viti.
Kënga favorite për ta fituar Eurovizionin po llogaritet ajo e përfaqësuesit italian, Francesco Gabbani me këngën “Occidentalis Karma”. Këngë favorite janë edhe ajo e Portugalisë e kënduar nga Salvador Sobral dhe kënga e Suedisë të cilën e këndon ish motoristi, Robin Bengstton.
