Pavarësisht se nëse e përdorni Instagram-in për të fituar para ose thjeshtë për të ndërvepruar me miqtë tuaj, në fund qëllimet janë të njëjta: Ju dëshironi të vendosni imazhe që do të nxisin biseda, të kënaqen ndjekësit tuaj dhe pse jo të nxisin edhe pak zili tek miqtë tuaj.
Postimet në Instagram po bëhen gjithmonë e më të rëndësishme. Gjithkush po përdor mjetet që Instagram ka dhënë që nga “Gif”, emoji me pamje të reja dhe “Bomerangs”, për të rënë sa më shumë në sy.
Mirëpo për fat të mirë një numër i madh aplikacionesh falas ofrojnë një larmishmëri mundësish për të animuar tekstin, tipografitë shtesë dhe efektet e shumta. Kështu që dhe ju mund t’i përdorni ato për të krijuar postimet tuaja në Story dhe madje janë falas, ndërsa kundrejt një pagese minimale do të përfitoni dizajne dhe efekte Premium.
6 aplikacionet të cilat i transformojnë tërësisht Insta Story-t tona janë:
1-Aplikacioni Adobe Spark Post, i cili ofron një larmishmëri të madhe të shabllonëve të cilat mund t’i përdorni për të përshtatur stilin tuaj në Insta. Përzgjidhni shabllonin tuaj, zgjidhni “remix” dhe ndryshoni gjithçka nga fotot, në paletat e ngjyrave, paraqitjen dhe efektet e animuara. Kur jeni të kënaqur me dizajnin tuaj klikoni “share” dhe gjithçka është e përfunduar.
Adobe Spark Post është falas dhe gjendet në App Store.
2-Ripl është menduar kryesisht për bizneset dhe markat e vogla, por kushdo mund ta përdorë këtë aplikacionin. Klikoni mbi ikonën plus në pjesën e poshtme të ekranit më pas mbi opsionin e mesëm, të orientuar vertikalisht, ku shihni “përzgjidhni madhësinë e postës”. Futni ndonjë tekst dhe zgjidhni imazhin që dëshironi të përdorni. Prej aty, mund të modifikoni fontin, të ndryshoni ngjyrën dhe të rregulloni animacionin. Mund të shtoni edhe muzikë nëse ndiheni të frymëzuar. Kur të jeni gati, publikojeni në Instagram.
Ripl është falas, dhe gjendet në App Store dhe Google Play.
3- Aplikacioni Hype hapet si në një aparat fotografik po ashtu edhe në Snapchat. Rrëshqisni nga lart-poshtë për të hyrë në rrotullën e kamerës dhe zgjidhni imazhin që dëshironi të përdorni. Pastaj zgjidhni llojin tuaj të shkrimit, secili vjen me një animacion të ndryshëm, kështu që ia vlen të provoni disa që të shihni se çfarë ju pëlqen më shumë. Kur ta keni gjetur atë, takoni shigjetën dhe e ndani në Instagram.
Aplikacioni Hype është falas dhe i disponueshëm në App Store.
4- Aplikacioni Edit&Add Text to Photos ju jep ju mundësinë të vendosni thëniet tuaja frymëzuese mbi fotot duke krijuar një post më të veçantë. Ju mund të filloni me një foto, grafik, model, dizajn fontesh ose kanavacë të bardhë. Në momentin që të jeni gati për ta postuar prekni këndin e sipërm të djathtë dhe gjithçka ka përfunduar.
Edit & Add Text to Photos është falas dhe është në dispozicion në App Store.
5- Lumyer është një aplikacion që përdor filtra për të shtuar animacione zjarri ose zemra lundruese në fotot tuaja. Një e keqe e këtij aplikacioni është se nuk ka asnjë mundësi për të zgjedhur një kornizë të orientuar vertikalisht – kjo do të thotë se imazhi përfundimtar, i animuar që postoni në Instagram nuk do të mbushë ekranin e plotë të Story-t. Megjithatë, kur të jeni gati për të postuar, thjesht shtypni gishtat së bashku në ekran dhe imazhi i plotë do të shfaqet në qendër të një sfondi të ngjyrosur që do të përputhet me të.
Lumyer është falas dhe e gjeni në App Store dhe Google Play.
6- Typorama është një aplikacion profesional për dizajnin tipografik. Kur hapni aplikacionin, mund të zgjidhni menjëherë “Story Instagram” paraprakisht për madhësinë e saktë. Pastaj, zgjidhni shkronjën tuaj dhe zgjidhni një prej atyre të aplikacionit ose të të vetit. Nuk ekziston një opsion i animacionit, por hartat me cilësi të lartë të fonteve e përbëjnë atë. Kliko “ok, share!” kur të jeni gati zgjidhni Instagram-in ku do ta publikoni.
Typorama është falas dhe e gjeni në App Store.
Burimi: Refinery29
