Nëse ndonjëherë iu është dashur të merrni pjesë në një ngjarje në të cilën nuk keni dashur të shkoni, të pranoni një takim apo të merrni një përgjegjësi tjetër, atëherë ka shumë të ngjarë që nuk keni mësuar se si të thuaj “jo”.
Nuk është aq e lehtë për të vendosur kufij, veçanërisht për të dashurit tuaj. Por nuk është e pamundur. Ekspertët propozojnë disa qëndrime në mënyrë që të refuzoni me mirësjellje, pa u ndier keq.
Mësoni të thoni jo duke i kushtuar vëmendje trupit tuaj
Psikologët theksojnë se sa e rëndësishme është t’i kushtojmë vëmendje dhe të kuptojmë trupin tonë. Muskujt e shtrënguar, dhimbjet e stomakut, lodhja, dhimbja e fytit janë vetëm disa shenja.
Merrni kohën tuaj përpara se të refuzoni një propozim
Luftoni spontanitetin dhe nevojën tuaj për t’i thënë menjëherë “po” një oferte ose propozimi. Në vend të kësaj, thoni se do të mendoni për ato që ju janë thënë dhe do të përgjigjeni brenda orëve ose ditëve të ardhshme.
Gjeni një mënyrë alternative për të refuzuar
Ndonjëherë nuk duhet të jesh plotësisht i drejtpërdrejtë në refuzimin e një propozimi. Ju mund të thoni për shembull: “Unë vërtet e vlerësoj ofertën tuaj, por nuk funksionon në mënyrë perfekte me mua” ose “është shumë interesante ajo që sugjeroni, por fatkeqësisht, unë tashmë kisha plane të tjera” .
Kërkoni ndihmë
Kjo është veçanërisht e dobishme në një nivel profesional, pasi ne priremi të marrim përgjegjësi pa vendosur kufij. Mos kini frikë të kërkoni ndihmë ose mbështetje nga eprorët dhe kolegët. Nëse dëshironi që puna të bëhet si duhet, përgjegjësitë duhet të ndahen.
Ju mund të ndryshoni mendim
Nëse jeni të befasuar nga një propozim dhe pranoni të bëheni pjesë e tij menjëherë, mund të refuzoni më vonë (brenda një afati kohor të arsyeshëm). Shpjegoni se jeni përgjigjur pa menduar për detyrimet që do të kishit dhe tani e kuptoni që nuk mund t’i përballoni.
Burimi: abcnews.al
