Nuk ka rregulla të shkruara, por shumë nga ne janë të vetëdijshëm për mënyrën si mund të organizohet shtëpia. Shumë familje shqiptare janë mësuar, që t’i bëjnë ato që njihen si “punët e shtëpisë” me themeli, vetëm në fundjavë.
Por duhet të dini që disa gjëra nuk mund të pastrohen vetëm një herë në javë, por çdo ditë:
Peshqirët e kuzhinës, tualetit
Mund të mos duken të pista, por peshqirët janë konsideruar si më të ndoturit në kuzhinë sipas një studimi financuar nga USDA. Dhe e njëjta gjë vlen edhe për peshqirët e vegjël në banjën tuaj. Nëse jeni një familje e madhe peshqirët duhen ndërruar çdo dy ditë.
Banaku i kuzhinës
Çdo mbrëmje sigurohuni që banakun ta lini të pastër, sepse nëse ju nuk e dezinfektoni, në mëngjes mund të gjeni një koloni milingonash në kuzhinën tuaj.
Pllakat e dushit
Për të parandaluar njollat e mykut, pllakat e banjës duhen tharë pas çdo dushi.
Lavamani
Ju mund të mendoni se pas larjes së enëve, lavamani juaj është po aq i pastër sa to, por gaboni. Lavamani duhet të lahet gjithashtu me sfungjer dhe solucion dhe të shpëlahet me ujë të bollshëm.
Ekspresi i kafesë
Ekspresi i kafes është vendi ideal për krijimin e mykut dhe baktereve, sepse nxehtësia e favorizon këtë gjë. Është mirë që ju të lani çdo pjesë të çmontueshme të ekspresit çdo ditë nëse e keni përdorur.
