Prej ditësh, Dua Lipa ndodhet me pushime në Shqipëri. Ajo është vendosur me familjen e saj në jug të vendit, ku duket se po eksploron të gjitha gjiret më të bukura. Dua duket se nuk ka ndërmend t’i ndahet ujërave të kaltër të jugut të Shqipërisë, ku po pushon së bashku me familjen dhe partnerin saj, Anwar Hadid.
Duket se të gjithë ata po shëtisin nëpër bregdet me një jaht luksoz, me të cilin janë parë së fundmi. “Dosja.al” ka publikuar një video, ku Dua shihet duke zbritur nga jahti luksoz së bashku me njerëzit e saj të afërt. E veshur me një fustan me shumë ngjyra, artistja zbret nga jahti dhe bëhet gati për t’u afruar në zonën e mbushur me turistë në Drimadhes.
Kujtojmë se Dua Lipa mbërriti në Shqipëri gjatë javës së kaluar. Ajo zhvilloi fillimisht disa takime me drejtuesit e vendit, kryeministrin Edi Rama dhe kryetarin e Bashksië së Tiranës, Erion Veliaj. Më pas ajo mbajti një konferencë për shtyp para gazetarëve, ku zbuloi disa detaje nga karriera e saj dhe planet për të ardhmen.
“Me vjen mirë që sot kam mundësinë me “Sunny Hill” dhe që mund të ndihmoj sado pak. Kjo është një mënyrë e vogël se çfarë mund të bëj nga ana ime. I falënderoj të gjithë për mbështetjen”, u shpreh Dua pasi ndihmoi me ndërtimin e një kopshti në Tiranë me të ardhurat nga fondacioni.
