Teksa “Shiko kush luan” ishte në transmetim, Luana Vjollca ndërroi shpeshherë look. Mirëpo në të gjitha rastet ajo zgjodhi që thjesht të eksperimentonte me paruke dhe të mos vendoste realisht dorë mbi flokët e saj. Por këtë herë duket se nuk i ka rezistuar një ndryshimi dhe ka vendosur të heqë dorë nga flokët bjond.
Këtej e tutje duhet të mësoheni ta thërrisni Luana kokëkuqja. Moderatorja ka marrë një vendim drastik duke i lyer flokët në ngjyrë portokalli në të kuqe, duke hequr dorë përfundimisht nga nuancat e bjondes. Ajo ka publikuar një video në Instagram me look-un e ri dhe ka marrë qindra komplimente nga ndjekësit e saj.
“Këtë vit në vend që të ngjyrosja vezët, ngjyrosa flokët. Gëzuar Pashkën”, ka shkruar Luana përkrah videos së saj.
Nuk e dimë nëse do të qëndrojë gjatë me këtë look, por duhet të themi se Luana duket bukur në çdo lloj forme.
Ndërkohë Luana është në punë e sipër për projektet e saj muzikore, duke qenë se nuk ka shumë angazhime në televizion për momentin. Pak javë më paë ajo zbuloi se udhëtoi drejt Prishtinës për të regjistruar këngën e saj më të re, për të cilën nuk na ka dhënë ende ndonjë informacion. E vetmja gjë që dimë është ky do të jetë një nga projektet e preferuara të saj, sepse Luana ka bërë me dije se kënga e re i përket rrymës që pëlqen dhe dëgjon më shumë.
