Ermal Fejzullahun jemi mësuar ta dëgjojmë duke kënduar balada, këngë ritimike e ndonjëherë këngë të zonës së veriut, por kurrë një popullore nga jugu. Por këngëtari i ka surprizuar të gjithë dhe ka provuar se mund t’i performojë edhe këto të fundit.
Ermali ka treguar se mbrëmjen e djeshme ka shijuar një darkë me disa miq të tij dhe gjatë një momenti ata ja kanë marrë këngës. Këngëtari dëgjohet duke kënduar “Qeraxhiu i Grebenesë”, një nga këngët më të njohura të zonës së jugut.
“Këngët e jugut i kam debulesë”, ka shkruar Ermali përkrah videos, duke dëshmuar se mund të përshtatet fare mirë edhe në këtë version.
Ndërkohë kujtojmë se këngëtari ka publikuar para 3 javësh baladën “Përjetësi” në bashkëpunim me Fifin, që deri më tani ka marrë 9 milionë klikime në Youtube.
