Ajo mbajti një fjalim të fuqishëm pasi mori çmimin “Aktorja më të Mirë” për rolin e saj te filmi “Three Billboards outside Ebbing, Missouri”.
Por në të gjithë atë emocion dhe kaos të natës, Frances McDormand përfundoi duke humbur statujën e saj prej ari në festën pas “Oscars”, mbrëmjen e së dielës.
Aktorja 60-vjeçare u pa duke “qarë” jashtë skenës, pasi nuk po gjente statujën e çmimit të saj, e cila iu gjet vetëm pak më vonë.
Frances kishte harruar ku e kishte vendosur trofeun dhe po kërkonte e xhindosur për të, me bashkëshortin Joel Coen.
Pasi nuk ia doli ta gjente, punonjësit e sigurisë nisën të kërkonin për statujën që kishte të gdhendur emrin e saj. Dhe më në fund e gjetën!
“Fran dhe Oscar u bashkuan të lumtur dhe tani po shijojnë një hamburger bashkë”, tha një nga zëdhënësit e aktores.
Burimi: Daily Mail
