Edhe pse makijazhi mund të na bëjë të dukemi “njerëz” kur jemi me grip ose të ftohur, produktet e bukurisë mund të jenë të dëmshme pasi janë të afta të mbajnë mikrobet për të na sëmurur përsëri.
Morgan Statt, një studiues i shëndetit dhe sigurisë për ConsumerSafety.org, tha për “The Independent” se, ka rreziqe të shumëfishta shëndetësore që duhet të merren parasysh për kozmetikën.
Mikrobet e të ftohurës ose gripit mund të jetojnë në produktet kozmetike, së bashku me llojet e tjera të baktereve që na sëmurin.
Më tepër kujdes duhet të bëjmë nga buzëkuqët, të cilin nëse e përdorni gjatë kohës që keni qenë e sëmurë, duhet ta hidhni pasi të jeni shëruar.
Por, nëse nuk mund ta hidhni buzëkuqin me ngjyrën tuaj të preferuar, atëherë duhet të prisni majën e tij:
“Prerja e majës është një mundësi për të shpëtuar buzëkuqin tuaj. Por, gjithashtu mund të fshini shtresën e sipërme me një shami dhe të dezinfektoni të gjithë tubin me alkool”.
Për t’u siguruar se i keni vrarë të gjitha bakteret, atëherë hiqni buzëkuqin nga pjesa e tubit dhe vendosni këtë të fundit në një gotë me alkool. Lëreni aty për të paktën 30 sekonda dhe më pas vendoseni të thahet”, sipas Statt.
Burimi: The Independent
