Vala e të nxehtit që njihet me emrin “Luçiferi” do të aktivizohet në jug të Europës, duke rritur ndjeshëm temperaturat kryesisht në Spanjë dhe Portugali. I nxehti do të ndihet edhe në vendet e Ballkanit por pa i kaluar 37 gradë celsius.
E enjtja do të jetë dita më e nxehtë e kësaj jave, por pas saj priten stuhi dhe rrebeshe. Sipas meteorologëve, pritet që i gjithë gadishulli i Ballkanit të përfshihet nga episodet me rrebeshe shiu dhe stuhi të forta ere që do të përfshijë edhe territorin shqiptar të dielën dhe të hënën, stuhi të cilat do të sjellin edhe rënie të theksuar të temperaturave.
Parashikohet që java tjetër të fillojë me një rënie prej 6 – 7°C të temperaturave, më e ndjeshme në vlerat e mesditës ndërsa me një parashikim të përgjithshëm për territorin shqiptar, pritet që për pjesën e mbetur të stinës së verës të mos kapërcehet temperatura 36°C.
