E ftuar në rubrikën “Galeri” në “E Diell”, Valbona Selimllari ka bërë një rrëfim të sinqertë për jetën e saj personale.
Ndër të tjera, ish-missi ka treguar pasionin e saj për makinën. Një detaj që shumë mbase se dinë dhe që ajo e tregoi në këtë intervistë është që Valbonës sidomos në rini i pëlqente të ngiste shumë shpejt.
Nisur nga kjo Selimllari i ka dhënë një këshillë të gjithë të rinjëve që ecin shpejt me makinë, që të kenë kujdes sepse është një papërgjegjshmëri shumë e madhe.
Ajo tha se e re e ka ngarë makinën deri në 210km/h në orë dhe kur e kujton tani, shprehet se ka qenë një papërgjegjshmëri shumë e madhe nga ana e saj.
“Unë me makinën kam një marrëdhënie, shumë të ngushtë, makinën e kam shokun më të mirë të jetës. Në momente që kam nevojë për Bonën dhe për një farë lirie, futem në makinë, timonin dhe pastaj ku të më çojë liria ime.
Do të të them që e kam nisur duke shkuar dhe 210 km/h, që është absurde, sot kur e mendoj them, ka mundësi të jetë njeriu kaq i papërgjegjshëm? Zoti nuk më ka sprovuar dhe shpresoj që të mos ndodhë, por sigurisht që jam shumë e kujdesshme pas lindjes së fëmijëve. Kur i kam ata në makinë është e pamundur që mos të jem e kujdesshme. Edhe kur jam vetëm sepse jeta ime i përket atyre dhe më duket një papërgjegjshmëri shumë e madhe. Është papërgjegjshmëri shumë e madhe, e pafalshme, mos e bëni këtë gabim. Është e çuditshme, kur shikoj të rinj, që më parakalojnë i ndjek dhe kur ka ndonjë moment që ndalojnë, i shkoj anash dhe ia bëj me shenjë, edhe i them ore 30 minuta përpara ose 10 minuta përpara në destinacion, mendon se është më e rëndësishme se jeta jote?”
