Ish-banorja e “Big Brother Albania 2”, Mimoza Krasniqi, ditën e sotme bëri publike martesën e saj, e cila është mbajtur në 13 shtator. Mimoza publikoi disa foto nga dasma modeste, për të cilën kishte zgjedhur të vishte një fustan të veçantë jo tradicional.
Është mësuar se partneri i saj është me origjinë franceze dhe quhet Raphael Walter. Mirëpo duket se Mimoza nuk i ka zbuluar të gjithë detajet nga jeta e saj private. Nga fotot e dasmës ndjekësit në rrjete sociale kanë vënë re se barku i saj dukej më i fryrë se zakonisht dhe të gjithë kanë filluar të dyshojnë se ajo është në pritje të fëmijës së parë.
Deri më tani Mimoza nuk ka reaguar ende në lidhje me këtë çështje dhe nuk dihet se sa të vërteta do të jenë dyshimet e fansave. Krasniqi është zhvendosur prej kohësh në Strasburg për të qenë pranë të dashurit të saj të zemrës.
