Nuk është vetëm stili ai që i dallon këngëtarët nga njëri-tjetri, por duhet t’u japin rëndësi detajeve. Disa prej tyre e kanë kuptuar fuqinë e të qenit unik dhe të krijimit të një marke përmes emrit të tyre.
Për ta bërë këtë janë fokusuar te mjeti më i rëndësishëm për ta: mikrofoni. Të frymëzuar nga divat e muzikës botërore, si Beyonce apo Nicki Minaj të cilat kanë zgjedhur t’i personalizojnë mikrofonat, edhe mjaft emra të njohur të skenës në Shqipëri kanë zgjedhur të bëjnë të njëjtën gjë.
Në këtë mënyrë, jo vetëm që do të ngjajnë “cool”, por edhe do të dallojnë nga njëri-tjetri.
1.Jonida Maliqi
Mikrofoni mban emrin e saj dhe është i gjithi i zbukuruar me gurë. Ndërsa ne na kujtohet performanca e saj në “Këngën Magjike” të vitit 2013, këngëtarja mund të jetë shfaqur më parë me këtë mikrofon.
2.Alketa Vejsiu
Nuk do ta shikoni në asnjë emision apo performancë moderatoren dhe këngëtaren pa mikrofonin e saj të zi të mbuluar me gurë.
3.Bleona Qerreti
Absolutisht që nuk mund t’i mungonte kësaj liste këngëtarja Bleona, të cilës mund të themi se i përshtatet shumë stilit të saj.
4.Tuna
Ajo mban një mikrofon të zbukuruar me gurë të çmuar “Swarovski”, ku në të lexohet emri i saj.
5.Era Istrefi
Era ndryshe nga gurët, vendosi ta personalizonte mikrofonin me ngjyrën. Absolutisht që zgjodhi ngjyrën e kuqe.
Më herët këngëtarja nga Kosova ka treguar se, përdor kufje të personalizuara me emrin e saj.
6.Cozman
Kush tha që gurët nuk janë për meshkujt? Cozman mban një mikrofon ku shkruhet emri i tij, të cilin e ka dhuratë nga ish-partnerja Tuna.
Burimi: Iconstyle
