Afërdita Dreshaj nuk e ka lënë për asnjë moment pas dore palestrën as gjatë muajve të shtatzënisë. Madje modelja i habiti të gjithë fansat e saj kur stërvitej edhe gjatë muajve të shtatë e të tetë të shtatzënisë, kur barku kishte marrë edhe formën e rrumbullakosur. Mirëpo nëse nuk e besoni, edhe tani që është në prag të lindjes Afërdita vazhdon të stërvitet.
Modelja ka ndarë shpesh në rrjete sociale video në palestër dhe ka treguar se është ndjerë shumë mirë gjatë gjithë kësaj kohe.
Madje, ajo ka tejkaluar çdo pritshmëri dhe na ka lënë të gjithëve me gojë hapur, teksa është stërvitur në mes të acarit ndërkohë që binte dëborë.
Moti i keq s’e ka penguar aspak këngëtaren të vazhdojë ushtrimet e saj, megjithëse është gjithashtu në muajin e nëntë të pritjes së ëmbël.
Për më tepër, Afërdita ka detyruar edhe motrën e saj, Jehonën, të ushtrohet me të, ndërsa video na la me gojë hapur.
Ndërkohë ajo ka zbuluar edhe më herët se si ndikon stërvitja tek fëmija që do të vijë në jetë.
“Fëmijët e grave shtatzënave që janë marrë me palestër kanë tendencë që të flenë gjatë natës më shpejt, janë më pak të prirur për dhimbjet e barkut”, thuhet në një shkrim që ka publikuar Afërdita.
