Balerinën Alba Hoxha prej disa ditësh po e shohim edhe në rolin e prezantueses së motit në “Tv Klan”. Për të folur rreth kësaj eksperience, por edhe përvojës së saj artistike si balerinë, Alba para disa ditësh ishte e ftuar në emisionin e pasdites “Rudina”.
Gjatë emisionit balerina e njohur zbuloi se si fillimisht Albi Nako nuk kishte pasur besim në afërsitë e saj dhe e kishte kritikuar shumë, por koha i tregoi të kundërtën dhe sot ka zënë vendin e Klaudia Pepës në rolin kryesor në trupën e baletit që ai drejton.
Nuk kaloi shumë nga kjo deklaratë dhe koreografi i njohur, Albi Nako e ka bërë lëvizjen e tij dhe duket se ia ka kthyer “qokën” Albës. Ai ka publikuar në “Instagram” dhe në “Facebook” një video ku një prezantuese moti pëson incident dhe rrëzohet.
“Kur të hipën vetja në qejf”, ka shkruar Albi krahas video-s gazmore.
Ndjekësit e tij në rrjetet sociale menjëherë kanë komentuar duke vënën në dukje se më këtë video ai po ironizonte Alba Hoxhën. Madje ka komentuar edhe vet balerina.
“Unë jam kjo?”, shkruan Alba.
Ndërsa Albi është treguar modest duke thënë se nuk është Alba ajo që rrëzohet.
“Joooo ti nuk bie asnjëherë”, ia ka kthyer Albi.
Nuk e dimë nëse kjo është një kunj apo thjesht një shaka e Albit për Albën, por me siguri diçka po ndodh mes tyre.
