Këngëtarja Katy Perry dhe i fejuari i saj, Orlando Bloom, kanë mirëpritur fëmijën e parë së bashku, një vajzë që e kanë pagëzuar me emrin Daisy Dove Bloom.
Katy dhe Orlando e dhanë lajmin e bukur për UNICEF, organizatën për të cilën ata shërbejnë si ambasadorë të mërkurën, 26 gusht.
Vajza e çiftit erdhi në jetë të mërkurën, duke e bërë Perry-në nënë për herë të parë dhe Flynn 9-vjeç vëlla të madh. Ky është djali i vetëm i Bloom me ish-gruan Miranda Kerr.
Dyshja të cilët u fejuan në shkurt të vitit 2019 pas romancës disavjeçare me ndarje dhe bashkime, njoftuan për pritjen e ëmbël në fillim të marsit, kur këngëtarja zbuloi barkun në videon muzikore për “Never Worn White”. Muajin tjetër, ajo zbuloi se ishte në pritje të një vajze.
Së fundmi Katy ka treguar në Instastory dhuratën që Beyonce ka menduar për të dhe të voglën.
Autorja e hitit “Halo” i ka dërguar Perryt një buqetë me lule të bardha dhe një pusullë me një mesazh ku shkruhej: ‘Urime për anëtarin e ri në familjen tuaj! – Beyoncé. ’
E emocionuar nga kjo dhuratë, Katy ka falenderuar publikisht kolegen e saj, teksa i shkruan “Të dua”.
