Këngëtarja Ingrit Gjoni ka investuar në një shtëpi në plazhin e Gjirit të Lalzit, që të mund të kalojë fundjavat së bashku me djalin buzë detit. Por kjo shtëpi, ka një rëndësi të veçantë për këngëtaren, pasi çdo gjë që shihni është zgjedhur dhe vendosur nga dora e saj në vetëm një muaj.
Ingrid Gjoni zgjodhi të mos kishte arkitekt, por të këshillohej nga revistat e arredimit dhe zgjodhi që në shtëpi të mbizotëronin ngjyra e bardhë dhe ajo bezhë.
“Ishte e lodhshme, por e kam bërë gjithçka me shumë qejf. Nuk jam arkitekte, por kam pasur shumë dëshirë të merrem vetë me këtë pjesë, më ka shijuar shumë. E kam kaluar gjithë verën këtu, por nuk e kam shijuar.Desha të bëj diçka të veçantë… Dhe them se ia kam arritur “ – shprehet Ingrit Gjoni.
Dhoma e Paridit, djalit të këngëtares është arreduar ndyshe nga shtëpia e Tiranës. Në Gjirin e Lalzit, ai ëndërron mbi një makinë që mund të niset në çdo moment.
“Më pëlqen, më duket si shtëpi kukullash…” – shprehet Paridi kur e ëma e pyet për arredimin e shtëpisë.
Këngëtarja shpjegoi se e kishte ëndërr të kishte një shtëpi me bahçe, pasi gjithë jetën e ka kaluar në pallat.
“Aq qef kam, saqë jam gjithë kohës me zorrë në dorë duke vaditur jashtë” – tha Ingrid Gjoni.
Ndiqeni video-n pas minutës së 26-të!
