Lady Gaga i bashkohet listës së këngëtarëve që dolën në krah të Kesha-s, në luftën e saj me producentin Dr Luke, i cili akuzohet për përdhunimin e kësaj të fundit. Ndërsa Adele zgjodhi skenën e “Brit Awards” për të shprehur mbështetjen e saj ndaj Kesha, Lady Gaga zgjodhi një mënyrë tjetër.
Ajo postoi një foto emocionuese me Kesha-n ku të dyja mbanin duart e njëra-tjetrës, si një mënyrë për të mbështetur njëra-tjetrën. Më 19 shkurt Gaga postoi në “Twitter” një shkrim ku thuhej: “Ka shumë njerëz në botë që të duan ty Kesha. Sinqerisht jam e trembur nga trimëria jote”.
Ndërsa kujtojmë historinë për jetën e saj, Lady Gaga është shprehur kohë më parë se edhe ajo ka qenë viktimë e një abuzimi të ngjashme me Kesha-n, për të cilën ajo bëri dhe këngën “Till it happens to you”, që erdhi si një sensibilizim për viktimat e përdhunimit.
Ditën e djeshme Kesha bëri një postim në Facebook-un e saj duke falenderuar të gjithë ata që e mbështetën dhe duke shpjeguar rëndësinë e këtij akti.
“Nuk mund ta besoj se kaq shumë njerëz në botë gjetën kohën të tregojnë dashuri dhe mbështetje. Ndërsa artistë të tjerë kanë vënë në rrezik karrierën e tyre duke mbështetur mua. Do t’ju jemi gjithmonë mirënjohëse. Unë mendoj për vajzat e reja sot. Unë nuk dua që në të ardhmen e vajzës time, e vajzës së kujtdo ose ndonjë personi tjetër të ketë frikë se do të ndëshkohet kush flet për abuzimin, sidomos nëse abuzuesi është një njeri i pushtetshëm”, shkruan Kesha.
Burimi: Daily Mail
