Pas publikimit të videoskandalit në emisionin “Stop”, ku pedagogu Denis Himçi i kërkonte favore seksuale studentes në këmbim të kalimit të provimeve të mbartura, uniformat blu reaguan menjëherë duke e ndaluar dhe shoqëruar në komisariat.
36-vjeçari u përball me dy akuza për veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni pasiv i personave që ushtrojnë funksione publike” dhe tashmë ka zhvillime të reja nga dosja e tij.
Sot është zhvilluar seanca gjyqësore në Elbasan, për këtë rast, dhe u caktua që çështja në ngarkim të profesorit të arrestuar t’i kalojë tashmë Prokurorisë për Krimet e Rënda.
Gjyqtari i çështjes ka vendosur “arrest paafat” për pedagogun dhe ai do të qëndrojë për aq kohë sa të zbardhet ngjarja.
