Nëse u fol për diçka mbrëmjen e së shtunës për emisionin “Xing me Ermalin” ishte zhveshja e velinës më të re. Për të tërhequr vëmendjen kishin zgjedhur që Kejvina Kthella të vishte një fustan të kuq, imitim i atij të Bella Hadid, por larg prej atij rezultati.
Fustani i çarë deri në pjesën intime ekspozoi më shumë seç duhej dhe ndërsa në çdo vend tjetër të botës mund të quhet një gjest i pahijshëm dhe incident vulgar, emisioni duket se e bëri të gjithën me qëllim.
Më pas u përfol se Kejvina nuk kishte veshur të brendshme, ndërsa në rrjet qarkulluan edhe fotot. Por velina vendosi të reagonte për herë të parë në “Instagram”.
“Dua të hedh poshtë të gjithë aludimet sipas të cilave kam kërcyer pa mbathje. Kam parë postimet nëpër rrjete sociale për sa i përket kësaj teme. Dua të them se askush nuk duhet të arrijë në përfundime pa qenë i sigurt për çka po flet. Janë pikërisht paragjykimet e hamendësimet pa baza, që na pengojnë nga të qenit një shoqëri e civilizuar. Mendja e hapur është ajo çka i ndan njerëzit në të tillë apo jo . I jam mirënjohese Perëndisë për pamjen time, e cila është karakteristikë thelbësore në karrierën që kam nisur por dua të shtoj se jam këtu ku jam pasi nuk jam ndalur përpara asnjë sfide, kam luftuar shumë për të realizuar ëndrrat e mia. E me kohën do dalë në pah edhe kjo. Së fundmi, por jo nga rëndësia, ju jam mirënjohëse dhe i falenderoj nga zemra të gjthë ata që më kanë mbështetur në çdo rrugëtim që kam marrë e vazhdojnë t’a bëjnë. Familja ime miqtë e mi, e të gjithë ju. Faleminderit PS: Do flas me Ermalin dhe javën tjetër do vesh pantallona ushtarake”.
Burimi: Instagram
