Për ata që kanë tendencë të anojnë drejt muzikës unike dhe të çuditshme, kjo është dita juaj. Dita Ndërkombëtare e Muzikës së Çuditshme simbolizon hapjen drejt një bote me horizonte të reja.
“E çuditshme” nënkupton shije muzikore të panjohura ose jo shumë të dëgjuara- ose të dyja! Kjo ditë ka për qëllim të zgjerojë veshin drejt tingujve të rinj.
Dita Ndërkombëtare e Muzikës së çuditshme u krijua nga Patrick Grant, muzikant dhe kompozitor i qytetit të New York-ut. Synimi i ditës është i thjeshtë: t’i bësh njerëzit të luajnë dhe të dëgjojnë lloje të muzikës që nuk i kanë përjetuar kurrë më parë.
Patrick Grant besonte se zgjerimi i spektrit muzikor të njerëzve mund të ndryshojë gjithashtu mënyrën se si shoqëria i shikon aspektet e tjera të jetës.
