Aktori i famshëm i sagës “Twilight”, Taylor Lautner, po i jep fund beqarisë. Gjithçka duket tepër normale, deri në momentin kur mendojmë se gruaja e tij gjithashtu quhet Taylor.
Por e dini që kur dy njerëz martohen, mbiemri i njërës palë ndryshon? Kështu, gruaja do të marrë mbiemrin e partnerin dhe shumë shpejt do të jenë dy Taylor Lautner! Po po!
Gjatë një interviste në “The Kelly Clarkson Show”, ai s’mund të mos fliste për atë që po flet gjithë rrjetin, emrin dhe mbiemrin e tyre!
“Për faktin që kemi të njëjtin emër, e gjitha do të jetë pak e ndërlikuar. Do të jemi i njëjti person”
Megjithatë aktori ka sugjeruar që njerëzit t’i dallojnë duke i quajtur “Tay djali” dhe “Tay vajza”.
“Mezi pres të kaloj jetën përgjithmonë me ty @taydome Ti më do pa kushte. Ti më duron. Më qetëson kur jam në ankth. Më bën të qesh shumë. çdo ditë e kaluar me ty është kaq e veçantë.Dhe më e rëndësishmja, ti më bën një person më të mirë. Nuk mund të të falënderoj sa duhet për atë që ke sjellë në jetën time. Të dua pergjithmonë.”- shkruante më herët Taylor Lautner kur i tregoi botës se ishte fejuar.
