Dhimbjet menstruale prekin shumicën e vajzave dhe grave. Një studim i kryer në Londër gjeti se 9 në 10 gra kanë dhimbje menstruale në punë, ndërsa 52 për qind e tyre vuajnë aq shumë nga dhimbjet saqë nuk janë të qeta në punë.
Sipas studimit, gratë vuajnë në heshtje dhe nuk i tregojnë shefit. Për të lehtësuar dhimbjet, ato përdorin qetësues dhe shishe me ujë.
Gjinekologu britanik, që drejtoi studimin, tha se gratë do të ishin “më të lumtura” dhe “të qeta” në punë, nëse do t’u jepej kohë çdo muaj për të pushuar në shtëpi.
“Njerëzit e harrojnë se gratë përbëjnë gjysmën e forcës së punës. Nëse ato ndihen të mbështetura, do të kishim një forcë pune më të lumtur dhe produktive”, tha mjeku.
Sipas tij, gratë që vuajnë nga dhimbjet menstruale të forta duhet të marrin tre ditë pushim në muaj. A do ta marrin parasysh kompanitë këtë?
Burimi: Daily Mail
