Prej kohësh është përfolur se këngëtarja e njohur e muzikës popullore shqiptare, Merita Halili, vuante nga një sëmundje. Dje ajo ka pasur mundësinë të sqarojë personalisht këto lajme dhe të tregojë sëmundjen nga e cila po kurohet.
E ftuar në emisionin “Top Show” ku foli për sëmundjen që e ka prekur. Këngëtarja e mirënjohur shqiptare zbuloi se vuante nga Lupus, një sëmundje që prek sistemin imunitar. Kjo sëmundje është e njëjta me të cilën janë përballur shumë personazhe të njohur të televizionit, mes të cilave Lady Gaga dhe Selena Gomez.
“E mora vesh që është folur e është thënë se Merita është sëmurë. Kjo është normale se në përgjithësi për njeriun publik flitet. Unë u diagnostikova në Shqipëri dhe vazhdoj kurën në Amerikë, për një sëmundje që ka lidhje me imunitetin. I ndodh gjithsecilit, quhet “lupus” dhe i ndodh të gjithëve. Humbet pak imunitetin dhe nga dielli të krijohen njolla. Kaq ka qenë e gjitha”.
