Jonida Maliqi është një nga këngëtaret më të dashura në vendin tonë e cila vetëm para pak ditësh publikoi projektin e saj më të fundit muzikor “Në errësirë”.
Mëngjesin e ditës së sotme ajo ishte e ftuar në programin e mëngjesit “Wake up” në “Top Channel”, ku foli për realizimin e këngës së re dhe për periudhën më të errët që ka pasur në karrierën e saj.
Këngëtarja tha se shpesh është bezdisur nga komentet e ndjekësve në rrjetet sociale dhe periudhën kur drejtonte “Dancing With The Stars” ajo e cilëson si periudhën më të errët.
“M’u desh të drejtoja “Dancing With The Stars”, aty ishte një luftë psikologjike e tmerrshme dhe mbaj mend që kisha një ankth të paparë përpos ankthit që po provoja diçka të re dhe nuk ishte synimi im të isha atje, por ishte thjesht një eksperiencë e re. Njerëzit nuk më përkrahen dhe teksa lexoja mesazhet para se të dilja në skenë ka qënë një gjendje e tmerrshme psikologjike dhe m’u desh të bllokoja komentet” – ka thënë Maliqi.
