Si sot dy vite më parë, njeriu më i shtrenjtë për motrat Ismaili u largua nga kjo botë. Në vitin 2016 këngëtaret shqiptare Zanfina dhe Adelina Ismaili, humbën nënën e tyre.
Ndaj Zanfina ka bërë një dedikim të ndjerë, përmes një postimi në Instagram, ku ka publikuar dhe një foto nga fëmijëria.
Këngëtarja shprehet se e ndjen mungesën e nënës në çdo moment dhe se ende i ka në mendje kujtimet apo këshillat e saj:
“Kam menduar që do të plakem bashkë me ty dhe do të përjetojmë shumë shumë gjëra bashkë. Kurrë s’e kam menduar që një sëmundje na ndan kaq shpejt… Tashmë kanë mbetur kujtimet, këshillat e tua edhe dëshirat që i ke pasur për mua. Çdo orë, minutë e sekondë më mungon. Të dua mami! 25 prill 2016”.
Për ta pasur gjithmonë pranë vetes, Zanfina ka bërë edhe një tatuazh në qafë dedikuar Monës, mamasë së saj, detaj ky që u zbulua edhe në videoklipin e titulluar “M”.
