Këngëtarja e njohur shqiptare, Big Mama, ka sqaruar njëherë e mirë disa aludime për shëndetin e saj. Nëpërmjet një postimi në Instagram, Big Mama thotë se i është nënshtruar një operacioni, por jo për kancerin, por për një problem tjetër që lidhet me shëndetin.
Aludimi ka shkuar deri aty ku mediat kanë përcaktuar edhe faktin se këngëtarja është prekur nga sëmundja e rëndë. Por asnjëra nga këto nuk ka qenë e vërtetë përveç faktit që ajo ka kryer një operacion për një jetë më të shëndetshme, siç thotë ajo në postimin sqarues:
“Fillimisht ju falënderoj shumë të gjithëve që jeni interesuar dhe shkruar për mua e gjendjen time, kam lexuar shkrime të ndryshme e kam dëgjuar muhabete rreth shëndetit tim por nuk kam mundur që të ju përgjigjem të gjithëve, andaj vendosa që përmes këtij mesazhi të ju them të gjithëve miqve dhe dashamirëve por edhe atyre që shpifin e shpikin, unë jam shumë mirë me shëndet, e vërtetë që kam realizuar një operacion në Turqi për një jetë më të shëndetshme mirëpo nuk kam pasur as kancer e as nuk e kam humbur vokalin e nuk jam në gjendje kritike, por jam shëndosh si molla…”, ka qenë postimi i plotë i Big Mama-s.
