Kënga “Nëntori” e këngëtares Arilena Ara arriti një sukses të madh në “Kënga Magjike”, por suksesi nuk po ndalet para kufijve. Versioni i saj remix, i punuar nga DJ Bess, renditet e katërta në “Shazam” në Rusi.
Ndërsa në renditjen e këngëve më të dëgjuara në “Shazam” në tërë globin, kënga e saj është ngjitur dhe ka arritur në vendin e 87-të duke kaluar edhe Justin Timberlake.
Në vendin fqinj, në Ukrainë, mban vendin e katërt në radio “Energy” dhe vazhdon të ngjitet në renditjet radiofonike dhe në aplikacionin Shazam të disa shteteve të tjera.
Të gjitha këto tregojnë që kënga e Arilenës, e kompozuar nga Darko Dimitrov dhe remix-suar nga Besmir Bajgora, po dëgjohet nga publiku i shteteve të tjera. Vetëm pak kohë më parë, në ndeshjen Palermo-Inter në stadiumin siçilian shpërtheu kënga“Nëntori”.
Ndërkaq Nëntorin e dëgjojnë edhe personazhe të njohur të muzikës dhe spektaklit, kompozitori dhe dj Evgeny Prokhorov në makinë, kampionia e fitnesit Ekaterina Shokhina, teksa sfilon dhe Arilena publikohet në faqe fansash me mijëra ndjekës.
