Era Rusi është një ndër këngëtaret shqiptare me një vokal për t’u admiruar. Këngëtarja ka pranuar se përveç koncerteve dhe festivaleve, ajo tashmë këndon edhe në dasma. E ftuar në emisionin “Top Show Magazine”, ajo ndau me publikun një histori të pazakontë që i ka ndodhur në një dasme ku do të këndonte.
“Më mori dikush në telefon dhe më ofroi që të këndoja në dasmën e djalit të tij. Që në takimin e parë vura re që ishte pak e çuditshme sepse pyesja dhëndrin, përgjigjej babai. I thashë: më falni zotëri, juve martoheni apo djali? Jo – më tha – e di unë”- tregon ajo.
Këngëtarja e hitit “Çupëlina” tregoi se babai i dhëndërit e ngacmonte tërë dasmës.
“Babai i djalit më merrte çdo ditë në telefon. Kemi dasmë, më thoshte. Kemi, i thoja unë! Ditën e dasmës së tij më ngel makina në autostradë dhe i them që më ka ngelur makina. Mos e vrit mendjen, më tha, presim deri sa të vish ti. Babi i dhëndërit po më gjuante sade fare, edhe në sy të gruas. Ça do të bësh pastaj? – më pyeti. Do të fle gjumë. – i thashë. Që nga kjo kohë, vendosa të marr menaxher se nuk i përballoja të tjera si kjo”, tregon Era me humor.
