Ndërsa këngëtarët shpesh shprehin mbështetjen për njëri-tjetrin, ka dhe nga ata që vënë në dukje paaftësinë e tyre. Orgesa Zaimi e nisi kritikën nga reperi i njohur amerikan, Kanye West, për të përfunduar më pas te kolegët e saj në Shqipëri.
Pasi postoi një video nga performanca e reperi, i cili dukshëm stonon, Orgesa theksoi se në ditët e sotme vlerësohen më shumë ata që janë të paaftë.
“Ju lutem të gjithëve që të fokusohen në çfarë dinë të bëjnë më mirë në jetë. Edhe unë do doja të isha miliardere apo biznesmene, por jam e paaftë për ta bërë. Gjithashtu mu deshën më shumë se 10 vjet që të kuptoja që unë di të këndoj (18 vjeçe ndërkohë, që e nisa që 5 dhe prapë e nisa seriozisht 20 vjeçe) dhe duhet të merren me këtë punë edhe pse është ndonjëherë mallkim, pasi ka të paaftë që s’bëjnë asgjë dhe vlerësohen maksimalisht apo bëhen ‘figura publike’, që s’e kuptoj se çfarë do të thotë. Ndërkohë unë dhe shumë të tjerë japim shpirtin këtu”, shkruan në postimin në Insta Story këngëtarja shqiptare.
Zaimi e mbyll me një thirrje për dëgjuesit, por edhe për këngëtarët:
“Stop paaftësisë! Ju lutem shpëtoni jetë, ruani veshët”.
Ajo nuk ka përmendur emra, ndërsa lë të kuptohet se me këtë fenomen po përballet gjithë bota e muzikës ditët e sotme.
