Soni Malaj vazhdon t’i kushtohet prej vitesh muzikës, por shumë shpejt do të mbajë koncertin e saj të parë pas shumë kohësh mungesë në skenën shqiptare.
Këngëtarja zbuloi se më 1 maj do të organizojë një koncert te Amfiteatri, që ndodhet në zonën e Liqenit të Tiranës.
“Për ne është dhuratë shumë e madhe ku mund të shpalosim artin tonë edhe në fakt kemi menduar që në 1 maj të bëjmë një koncert madhështor, me efekte speciale, orkestër, balerina, tamam për një ditë pranverore edhe me shumë entuziazëm. Shumë muzikë më 1 maj”, tha Soni Malaj.
Kjo deklaratë mësohet se është bërë gjatë nismës për mbjelljen e një peme, të cilës i janë bashkuar shumë personazhe publikë.
