Prej kohësh ajo nuk është më edhe aq aktive në muzikë, pasi aktualisht jeton në Shtetet e Bashkuara të Amerikës, me të fejuarin çek Jakub Kindl.
Afërdita Dreshaj po jeton një marrëdhënie shumë të lumtur, të cilën nuk heziton që ta ndajë herë pas here me fansat përmes imazheve të publikuara në rrjetet sociale.
Së fundmi, ajo ka publikuar një fotografi në “Instagram Story”, ku shfaqet pranë të dashurit të saj, teksa të dy së bashku kryejnë një trajtim pedikyri.
Kjo fotografi ka ngjallur paksa paragjykime tek fansat shqiptarë të këngëtares, të cilët janë befasuar kur kanë parë një mashkull që kryen një trajtim të tillë, edhe pse në vendet e zhvilluara realisht ekzistojnë trajtime të veçanta pedikyri për meshkujt.
Aktualisht çifti ndodhen në Miami, ku janë duke shijuar disa ditë të mira pushimi nën shoqërinë e njëri-tjetrit.
