Nga dëshmitare te ambasadore dhe tani dizajnuese. Dhe madje modele në pasarelë!
Lidhja e qëndrueshme dhe e suksesshme, mes divës së pop-it, Rita Ora dhe markës së të brendshme të femrave (por jo vetëm) “Tezenis” është edhe më e ngushtë dhe e habitshme, duke pasuruar një kapitull të ri me këtë bashkëpunim të frytshëm.
Linja e njohur e të brendshmeve “Tezenis” në një shfaqje të mbajtur në Milano më 20 shtator, prezantoi koleksionin vjeshtë-dimër 2017.
Këngëtarja me origjinë shqiptare pranoi me entuziazëm sfidën për të kaluar në anën tjetër “të gardhit” dhe për t’u bërë dizajnuese, duke prezantuar koleksionin e parë të limituar të stiluar nga një celebrities për markën e Gruppo Calzedonia. Ajo që e shtyu në këtë hap, ishte dashuria për “stilin e pagabueshëm italian”.
Lindën kështu shtatë pjesë të koleksionit të vogël, por shumë sensual, të cilët do të dalin në treg që nga 1 nëntor. Në të mbizotëronin kadifja, dantella dhe copat e dukshme. Në një paraqitje komplet të zezë që është sinonim me stilin, por edhe me joshjen. Çfarë është “must” për t’u patur? Një veshje me dantellë të zezë që tregon se mund të arrish dhe të pamundurën.
25-vjeçarja bëri disa hapa në pasarelë me intimet e “Tezenis” dhe më pas mori mikrofonin duke performuar, ndërsa së bashku me modelet ekzaltuan të pranishmit. I ftuar gjithashtu ishte edhe reperi Tinie Tempah, me të cilin Rita ka bashkëpunuar për hitin R.I.P.
*Shfleto galerinë
Burimi: Vanity Fair
