A e dini se kush është këngëtarja më e pasur në Britaninë e Madhe? Ndoshta është pikërisht ajo që ju preferoni më shumë. Adele!
27-vjeçarja u shpall si këngëtarja më e pasur femër e të gjitha kohërave në Britani, sipas listës së më të pasurve të publikuar nga “Sunday Times”.
Një listë kjo me 50 muzikantë milionerë (femra dhe meshkuj) në Angli dhe Irlandë, ku këngëtarja e hitit “Hello” vlerësohet më një pasuri 85 milionë paund, me një rritje prej 35 milionë paund krahasuar nga viti i kaluar.
E vetmja këngëtare femër që ka mundur të parakalojë Adele, është irlandezja, Enya me 91 milionë paund.
Pasuria e 27-vjeçares u rrit me shifra galopante pas publikimit në nëntor të albumit të saj “25”.
Adele, u përfshi në listën e këngëtarëve më të pasur nën moshën 30-vjeçare, në vitin 2011, në vendin e nëntë dhe vetëm një vit më vonë ajo u vendos në krye të listës, ku vijon ende të qëndrojë.
Burimi: BBC
