Bukuria natyrale gjithmonë është në modë! Celebrities të huaj dhe shqiptarë duket se e kanë kuptuar këtë dhe po i kthehen sa më shumë paraqitjes së tyre të dikurshme.
Tendenca e një gjoksi të vogël tashmë është e dukshme. Hapin e parë nga showbiz-i shqiptar për këtë e mori Çiljeta Xhilaga. Ndërsa shembullin e saj po e ndjek edhe këngëtarja Rozana Radi. 36-vjeçarja njihet për karakterin e saj të hapur, ndërsa deklaroi gjatë emisionit “Zonë e Lirë” se do të zvogëlojë gjoksin, në të cilin kreu një ndërhyrje në 2010-n.
“Është në planet e mia të ardhshme të zvogëloj gjoksin. Çiljeta pati problem me shëndetin. Unë e kam të vënë, do rikthehem tek gjoksi im, do të kthehem te mishi im s’ka më mirë”, tha Rozana. Ajo e quajti operacionin e parë një “shthurje të momentit, e adoleshencës”, pavarësisht se e ka kryer në moshën 30-vjeçare.
Artistja shqiptare pohoi edhe thashethemin se, nuk i kujtohej numri i gjoksit të saj të mëparshëm.
