Këngëtarja e mirënjohur Shkurte Gashi është e rezervuar për jetën private, por si duket tani ajo ka gjetur personin e jetës dhe nuk e fsheh më.
Bëhet fjalë për vëllain e Blerim Destanit, Selimin, i cili është divorcuar dhe ka 5 fëmijë nga martesa e parë.
Gjatë ndarjes së çmimeve “Zhurma Show”, Shkurte Gashi më në fund pranoi lidhjen e dashurisë, madje duke ia dedikuar çmimin që fitoi dashurisë së jetës së saj.
“Gazeta Express”, shkruan se kur Shkurta u ngjit në skenë, fustani që kishte zgjedhur të vishte, dukshëm i rrinte i fryrë tek pjesa e barkut, çfarë i ka shtuar dyshimet se ajo është në pritje të ëmbël.
Burime të brendshme me çiftin thonë se dyshja ka lidhur kurorë dhe se Selimi, i cili ka 5 fëmijë nga martesa e parë, i ka blerë Shkurtes një shtëpi luksoze në Dusseldorf të Gjermanisë, ku ai jeton prej vitesh.
