Giusy Ferreri është një nga këngëtaret më të dashura për publikun shqiptar. Në “Natën e Bardhë” të vitit të kaluar ajo ishte surpriza e festës në Tiranë, duke mbledhur shumë nga fansat e saj.
“Mes lajmeve shumë të bukura të kësaj jave ju them edhe për ardhjen në jetë të Beatrice, e cila ka lindur në 10/9/2017, me një lindje natyrale. Jemi shumë mirë dhe sapo kemi hyrë në shtëpi me babanë Andrea. Shumë puthje dhe shihemi së shpejti . Giusy”.
Kështu këngëtarja italiane dha lajmin e bukur në “Facebook”, për ardhjen në jetë të fëmijës së saj të parë, të cilën e ka me Andrea Bonomo.
Giusy njoftoi se ishte në pritje të një bebeje në muajin mars, kur prezantoi albumin e saj të ri ‘Girotondo’.
