Levina, këngëtarja gjermane e cila do të përfaqësojë Gjermaninë në Eurovizionin e këtij viti, që do të organizohet në Kiev të Ukrainës, i ka çuditur fansat e saj.
Ajo ka qenë në Tiranë dhe ka postuar në “Facebook” një foto ku duket duke bërë krahët e shqiponjës.
“Mirëdita Tirana! Çfarë vendi i bukur, faleminderit për mikpritjen! Sot mësova për këtë shenjë që përfaqëson zogun e flamurit shqiptar. Të festojmë diversitetin”, shkruan Levina.
Por disa nga komentuesit nuk e kanë pritur mirë këtë status, pasi sipas tyre, shqiponja nuk mund të quhet thjesht zog, por është një simbol për shqiptarët që duhet trajtuar me respekt.
