Nuk është hera e parë që Lady Gaga merr pjesë në një film, pasi ka fituar çmimin “Golden Globe” pas pjesëmarrjes në “American Horror Story: Hotel”. Dhe këngëtarja është gati për të shkëlqyer në sfidën e rradhës, pasi do të luajë krahas aktorit Bradley Cooper në filmin “A Star Is Born”.
Në një intervistë për “Los Angeles Times”, Gaga rrëfen se e gjen veten shumë në rolin që do të luaj, pasi edhe personazhi në film ndihet e shëmtuar, ndjesi që e përjeton edhe këngëtarja.
“Ally është një personazh që e gjej veten. Edhe ajo ndihet shumë e shëmtuar dhe e pasigurtë, ashtu siç edhe unë me raste” – shprehet këngëtarja.
Por Lady Gaga arriti ta hedhë pas krahëve këtë ndjesi me ndihmën e fansave, të cilët sipas saj, shohin më të bukurën tek ajo.
“Të jem e sinqetë, ajo çfarë më bën të ndihem e bukur është gjithë lumturia që marr nga fansat. Ata arrijnë të shohin thellë brenda meje dhe kanë ndryshuar rrënjësisht jetën time. Pamja e jashtme është thjesht sipërfaqësorja! Ata dashurojnë atë çfarë unë jam.” –përfundoi Lady Gaga.
