Meghan Trainor ka sjellë në jetë fëmijën e saj të dytë. Këngëtarja postoi në Instagram duke zbuluar se mirëpriti një djalë me bashkëshortin 31-vjeçar Daryl Sabara.
Artistja e njohur ka postuar një galeri me foto të të porsalindurit, duke zbuluar edhe emrin në mbishkrimin e saj.
“Më 1 korrik (7 vjetori i takimit tonë të parë) ne mirëpritëm Barry Bruce Trainor në botë”, shkroi ajo.
Këngëtarja e “The All About That Base” dhe Sabara tashmë kanë një djalë të quajtur Riley, i cili është pothuajse dy vjeç. Ylli zbuloi shtatzëninë e saj në fund të janarit. Këngëtarja ka folur për shtatzëninë e dytë edhe me revistën People.
“Çfarë bekimi. Unë jam shumë mirënjohëse që mund të mbetem shtatzënë. Kjo është e mahnitshme. Këto janë ëndrrat e mia. Jam në gjysmë të rrugës – dua katër fëmijë!”, ajo ndau.
Meghan ka publikuar gjithashtu librin e saj të parë, “Dear Future Mama”, në të cilin foli për përvojat e saj të shtatzënisë së bashku me kontributet nga ekspertë të ndryshëm.
“Unë jam një libër i hapur dhe më pëlqen t’u tregoj të gjithëve gjithçka për brengën time dhe të gjitha të vërtetat e mia”, tha ajo për librin.
