Lorde njoftoi gjithë botën se Kanye West e ka kopjuar!
Të dielën, Kanye dhe reperi Kid Cudi performuan në stadiumin Dodger në Los Angeles, brenda një kutie të madhe në formë drejtkëndshi e ndërtuar prej xhami.
Problemi është se në turin e saj në muajin mars, edhe Lorde përdori një platformë të njëjtë prej xhami si ajo e reperit. Në profilin e saj në “Instagram”, këngëtarja akuzon Kanyen se ka kopjuar skenën e saj.
Fillimisht, Lorde ndau foto të skenës nga turi i saj, e më pas i krahasoi ato me të reperit amerikan.
“Jam shumë krenare për punën që bëj dhe është shumë emocionuese që edhe artistët e tjerë frymëzohen prej saj, aq sa vendosin ta provojnë edhe vetë. Por mos vidhni, as nga një grua, e as nga një tjetër person. Jo në vitin 2018, kurrë.” – shkruan në një nga postimet Lorde duke iu drejtuar Kanye-s dhe Kid Cudi.
Ndërkohë që reperët kanë zgjedhur të mos i përgjigjen ende këngëtares. Sipas TMZ-së, kjo skenë është ndërtuar nga artistja Es Devlin, e cila ka punuar me Kanyen që prej vitit 2015.
