Këngëtarja britanike Jessie J, nuk e ka fshehur asnjëherë simpatinë që ka për këngëtaren me origjinë shqiptare Dua Lipa, e cila është cilësuar si një ndër femrat më me influencë në Britaninë e Madhe.
Së fundmi, Jessie J ka publikuar në profilin e saj në “Instagram” një foto ku shfaqej me të njëjtën veshje si ajo e Dua-s.
“Kështu, të betohem që e kisha ndërmend t’i vishja këto rroba dy javë më parë. Por ja që ndodhi, ti i veshe e para. Dhe po, ti dukesh më mirë në to. Por, isha unë e para që e kisha këtë stil flokët, të paktën këtë e bëra. Je e paparë zonjushë” – shkruan këngëtarja britanike.
Mirëpo Jessie J, nuk e lë më kaq postimin. Ajo i kërkon Dua-s që të bashkëpunojnë një këngë së bashku.
“Jam shumë krenare për ty! Prezanton Britaninë! Por.. Unë mendoj se ky “xing” në veshje ndodhi për një arsye. Ke dëshirë të bësh një duet me mua dhe të veshim të njëjtën veshje në videolip?” – shkruhej më tej krahas fotos së postuar.
Pak kohë më parë, Dua Lipa bashkëpunoi me Dj skocez Calvin Harris, për këngën “One Kiss”, e cila qëndroi në majat e klasifikimeve për javë me rradhë.
