Këngëtarja nga Maqedonia e Veriut, Tamara Todevska, do të vijë ekskluzivisht në Shqipëri për të marrë pjesë në festivalin e “Këngës Magjike”.
Todevska përfaqësoi këtë vit në “Eurovision” Maqedoninë e Veriut me këngën “Proud”, ndërsa tashmë do të konkurrojë në “Këngën Magjike” me “Monster” të kompozitorit Darko Dimitrov.
Në profilin e saj në Instagram, Tamara publikoi videon e këngës së re, duke treguar krahas saj se është një këngë që i dedikohet dashurisë.
Gjithashtu, këngëtarja maqedonase publikoi edhe një foto me Kryebashkiakun Erion Veliaj, Ardit Gjebrean dhe Darko Dimitrov.
